Antabari Pattukore అంటబారి పట్టుకోరే అమ్మలాల Annamayya Sankeerthanalu

అధ్యాత్మ సంకీర్తన

ఆహిరి రాగము

అంటబారి పట్టుకోరే అమ్మలాల యిదె

వెంటబారనీదు నన్ను వెడమాయతురుము

కాగెడుపెరుగుచాడె కవ్వముతో బొడిచి

లేగల దోలుకొని అలిగిపోయీని

రాగతనమున వాడె రాతిరి నారగించడు

ఆగి నన్ను గూడడిగె నయ్యో ఇందాకను

కొలదిగానిపెరుగు కొసరికొసరి పోరి

కలవూరుగాయలెల్ల గలచిపెట్టె

పలుకడు చేతిచట్టి పారవేసి పోయీనదె

చెలగుచు మూటగట్టె జెల్లబో యిందాకను

మట్టుపడకిటు నూరుమారులైనా నారగించు

ఇట్టె యిందరిలోన నిన్నాళ్ళును

వెట్టికి నాకొరకుగా వేంకటేశు డారగించె

యెట్టు నేడాకట ధరియించెనో యిందాకను

Antabari pattukore ammalala yide 

Ventabaranidu nannu vedamayaturumu

Kageduperugucade kavvamuto bodichi 

Legala dolukoni aligipoyini

Ragatanamuna vade ratiri naraginchadu 

Agi nannu gudadige nayyo indakanu

Koladiganiperugu kosarikosari pori 

Kalavurugayalella galachipette

Palukadu cheticatti paravesi poyinade 

Chelaguchu mutagatte jellabo yindakanu

Mattupadakitu nurumarulaina naragincu 

Itte yindarilona ninnallunu

Vettiki nakorakuga venkatesu daraginche 

Yettu nedakata dhariyincheno yindakanu

Anchita punyulakaite అంచిత పుణ్యులకైతే Sankeertana Lyrics

అధ్యాత్మ సంకీర్తన

దేశాక్షి రాగం

అంచిత పుణ్యులకైతే హరి దైవమవుగాక

పంచమహాపాతకులభ్రమ వాపవశమా

కాననియజ్ఞానులకు కర్మమే దైవము

ఆనినబద్ధులకు దేహమే దైవము

మాననికాముకులకు మగువలే దైవము

పానిపట్టి వారివారిభ్రమ మాన్పవశమా

యేమీ నెఱుగనివారి కింద్రియములు దైవము

దోమటిసంసారి కూరదొర దైవము

తామసులకెల్లాను ధనమే దైవము

పామరుల బట్టినట్టిభ్రమ బాపవశమా

ధన నహంకరులకు తాదానే దైవము

దరిద్రుడైనవానికి దాత దైవము

యిరవై మాకు శ్రీవేంకటేశుడే దైవము

పరులముంచినయట్టి భ్రమ బాపవశమా

Anchita punyulakaite hari daivamavugaka

Panchamahapatakulabhrama vapavashama

Kananiyaj~janulaku karmame daivamu 

Aninabaddhulaku dehame daivamu

Mananikamukulaku maguvale daivamu 

Panipatti varivaribhrama manpavashama

Yemi nerruganivari kindriyamulu daivamu 

Domatisamsari kuradora daivamu

Tamasulakellanu dhaname daivamu 

Pamarula battinattibhrama bapavashama

Dhana nahankarulaku tadane daivamu 

Daridrudainavaniki data daivamu

Yiravai maku shrivenkateshude daivamu 

Parulamuncinayatti bhrama bapavashama

Anganalala Manache - Annamayya Keerthana అంగనలాల మనచే నాడించుకొనెగాని

తాళ్లపాక అన్నమాచార్య అధ్యాత్మ సంకీర్తన

రాగము: శంకరాభరణం

అంగనలాల మనచే నాడించుకొనెగాని

సంగతెఱిగిననెరజాణ డితడే

వొడలులేనివాని కొక్కడే తండ్రాయగాని

తడయక పురుషోత్తము డితడే

బడబాగ్నిజలధికి బాయకల్లుడాయగాని

వెడలించె నమృతము విష్ణుడితడే

పులిగూడుదిన్నవానిపొం దొక్కటే సేసెగాని

నలువంక లక్ష్మీనాథు డితడే

చలికి గోవరివానివరుస బావాయగాని

పలుదేవతలకెల్ల ప్రాణబంధు డితడే

యెక్కడో గొల్లసతుల కింటిమగడాయగాని

తక్కకవెదకేపరతత్త్వ మితడే

మిక్కిలి శ్రీవేంకటాద్రిమీద మమ్ము నేలెగాని

తక్కక వేదముచెప్పేదైవమీతడే

Anganalala manache nadinchukonegani 

Sangaterriginanerajana ditade

Vodalulenivani kokkade tandrayagani 

Tadayaka purusottamu ditade

Badabagnijaladhiki bayakalludayagani 

Vedalinche namrutamu visnuditade

Puligududinnavanipondokkate sesegani 

Naluvanka laksminathu ditade

Chaliki govarivanivarusa bavayagani 

Paludevatalakella pranabandhu ditade

Yekkado gollasatula kintimagadayagani 

Takkakavedakeparatattva mitade

Mikkili Shri Venkatadrimida mammu nelegani 

Takkaka vedamucheppedaivamitade

Angana Yettundina అంగన యెట్టుండినా అన్నమాచార్య సంకీర్తన

తాళ్లపాక అన్నమాచార్య - అంగన యెట్టుండినా  శృంగార సంకీర్తన

రాగము: రామక్రియ

అంగన యెట్టుండినా నమరుగాక

సంగతే నీకు నాపె సాటికి బెనగను

తనకు బోదైనచోట తగిలి మాటాడకున్న

మనుజుడావాడు పెద్ద మాకు గాక

చనవున బెనగగా సమ్మతించకుండితేను

ఘనత యేది చులకదనమే గాక

చెల్లుబడి గలచోట సిగ్గులు విడువకున్న

బల్లిదుడా వాడూ కడు పందగాక

వెల్లివిరి నవ్వగాను వీడు దోళ్ళాడకున్న

చల్లేటి వలపులేవి సటలింతే కాక

తారుకాణలైన చీట తమకించి కూడకున్న

చేరగ జాణడా గోడచేరుపు గాక

యీ రీతి శ్రీ వేంకటేశ యిట్టె రఘునాథుడవై

కూరిమి గూడితివిది కొత్తలింతే కాక

Angana yettundina namarugaka 

Sangate niku nape satiki benaganu

Tanaku bodainacota tagili matadakunna 

Manujudavadu pedda maku gaka

Chanavuna benagaga sammatincakunditenu 

Ghanata yedi chulakadaname gaka

Chellubadi galacota siggulu viduvakunna 

Balliduda vadu kadu pandagaka

Velliviri navvaganu vidu dolladakunna 

Challeti valapulevi satalinte kaka

Tarukanalaina chita tamakinchi kudakunna 

Cheraga janada godacherupu gaka

Ee riti Sri Venkatesha itte raghunathudavai

Kurimi gudithivi kothalintegaka 

Angana ninnadigi అంగన నిన్నడిగి - Annamacharya Sankeerthana

అంగన నిన్నడిగి శృంగార సంకీర్తన - తాళ్లపాక అన్నమాచార్య 

రాగము : కురంజి

అంగన నిన్నడిగి రమ్మనె నీమాట

సంగతిగ మరుమాట సరి నాన తీవయ్యా

చెలులచే నింతి నీకు చెప్పిపంపిన మాటలు

తలచుకొన్నాడవా దయతో నీవు

తొలుత గాను కంపిన దొడ్డ పూవుల బంతి

లలిమించిన పరిమళము గొంటివా

చాయల నాసతో నాపె సారె జూచిన చూపులు

ఆయములు గరచేనా అంటుకొనెనా

చేయెత్తి సిగ్గుతోడ చేరి మొక్కిన మొక్కులు

ఆయనా నీకు శలవు అందరిలోనా

బెరసి తెరమాటున బెట్టిన నీపై సేసలు

శిరసుపై నిండెనా చిందెనా నీపై

అరుదై శ్రీ వేంకటేశ అలమేలుమంగ యీకె

గరిమ నిన్ను గూడి గద్దెపై గూచున్నది

Angana ninnadigi rammane nimata 

Sangatiga marumata sari nana tivayya

Chelulache ninti niku cheppipampina matalu 

Talachukonnadava dayato nivu

Toluta ganu kampina dodda puvula banti 

Laliminchina parimalamu gontiva

Chayala nasato nape sare jucina cupulu 

Ayamulu garacena antukonena

Cheyetti siggutoda cheri mokkina mokkulu 

Ayana niku shalavu andarilona

Berasi teramatuna bettina nipai sesalu 

Shirasupai nindena chindena nipai

Arudai Shri Venkatesha alamelumanga yike 

Garima ninnu gudi gaddepai guchunnadi

Angadi Nevvaru Nantakuro - Annamayya Keerthana - అంగడి నెవ్వరు

అంగడి నెవ్వరు - తాళ్లపాక అన్నమాచార్య అధ్యాత్మ సంకీర్తన

రాగము: శ్రీరాగం

అంగడి నెవ్వరు నంటకురో యీ దొంగలగూడిన ద్రోహులను

దోసము దోసము తొలరో శ్రీహరి దాసానదాసుల దగ్గరక

ఆసలనాసల హరినెరుగక చెడి వీసరపోయిన వెర్రులము 

పాపము పాపము పాయరో కర్మపు దాపవువారము దగ్గరక

చేపట్టి వేదపు శ్రీహరి కథలు యేపొద్దు విననిహీనులము 

పంకము పంకము పైకొనిరాకురో కొంకుగొసరులకూళలము

వేంకటగిరిపై విభునిపుణ్యకథ లంకెల విననియన్యులము

Angadi nevvaru nantakuro yidongala gudina drohulanu

Dosamu dosamu tolaro shriharidasana dasula daggaraka

Asalanasala harinerugaka chedi visarapoyina verrulamu

Papamu papamu payaro karmapudapavu varamu daggaraka

Chepatti vedapu shrihari kathalu yepoddu vinanihinulamu

Pankamu pankamu paikonirakuro konkugosarulakulalamu

Venkatagiripai vibhunipunyakatha lankela vinaniyanyulamu