Okati Bolichina - Annamacharya Keerthana Lyrics

Okati bolichina verokati tocini
sakalamu bolicemu sudati simgaralu

Kaluvalu jakoralu gamdumilu damaralu
calimutaipu jippalu satikannulu
alalu nilamanulamdhakaramu megamu
nalupu rasivo nalinakshi thurumu

Jakkavalu nimmapamdlu sari buguttulu gomda
lekkuva marimiddelu yimti cannulu
cukkalu suravonnalu sudi vajrala gollu
akkara yenuga tomdalaramtle thodalu

Soga theegelu thundlu sudathi bahuvulide
chega chiguru lathika cheli padalu
yigati srivemkatesa yimti nivuramu mida
baaguga namari paidi patima bolinavi

ఒకటి బోలిచిన వేరొకటి తోచీని
సకలము బోలిచేము సుదతి సింగారాలు

కలువలు జకోరాలు గండుమీలు దామరలు
చలిముతైపు జిప్పలు సతికన్నులు
అలలు నీలమణులంధకారము మేఘము
నలుపు రాశివో నలినాక్షి తురుము

జక్కవలు నిమ్మపండ్లు సరి బూగుత్తులు గొండ
లెక్కువ మరిమిద్దెలు యింతి చన్నులు
చుక్కలు సురవొన్నలు సూది వజ్రాల గోళ్ళు
అక్కర యేనుగ తోండాలరంట్లే తొడలు

సోగ తీగెలు తూండ్లు సుదతి బాహువులిదె
చేగ చిగురు లత్తిక చెలి పాదాలు
యీగతి శ్రీవేంకటేశ యింతి నీవురము మీద
బాగుగ నమరి పైడి పతిమ బోలినవి