Emta Chadivi Choochina - ఎంత చదివి చూచిన - Annamacharya Sankeerthana

Emta chadivi choochina neetadae ghanamugaaka

Yimtayu naelaetidaiva mika vaerae kalaraa

Modala jagamulaku moolamainavaadu

Tuda pralayamunaadu tochaevaadu

Kadisi naduma nimdi kaligivumdedivaadu

Madanagurudaekaaka ma~ri vaerae kalaraa

Paramaanuvainavaadu brahmaamdamainavaadu

Suralaku narulaku jotayinavaadu

Paramainavaadu prapamchamainavaadu

Hari yokkadaekaaka avvalanu galaraa

Puttugulayinavaadu bhogamokshaalainavaadu

Yettanedura lonanu yinnitivaadu

Gattigaa Sree Venkataadri kamalaadaevitodi

Pattapudaevudaekaaka parulika galaraa

ఎంత చదివి చూచిన నీతడే ఘనముగాక

యింతయు నేలేటిదైవ మిక వేరే కలరా

మొదల జగములకు మూలమైనవాడు

తుద ప్రళయమునాడు తోచేవాడు

కదిసి నడుమ నిండి కలిగివుండెడివాడు

మదనగురుడేకాక మఱి వేరే కలరా

పరమాణువైనవాడు బ్రహ్మాండమైనవాడు

సురలకు నరులకు జోటయినవాడు

పరమైనవాడు ప్రపంచమైనవాడు

హరి యొక్కడేకాక అవ్వలను గలరా

పుట్టుగులయినవాడు భోగమోక్షాలైనవాడు

యెట్టనెదుర లోనను యిన్నిటివాడు

గట్టిగా శ్రీ వేంకటాద్రి కమలాదేవితోడి

పట్టపుదేవుడేకాక పరులిక గలరా