Eda Sujnanameda Thelivi - ఏడ సుజ్ఞానమేడ తెలివి నాకు - శ్రీ తాళ్లపాక అన్నమాచార్య సంకీర్తన

Eda sujnanameda telivi naku

budidalo homamai poya galamu

Ide melayyedi nakade melayyedi nani

kadisiyasache gadavaleka

yeduru chuchi chuchi yelayinchi yelayinchi

podachatu mrugamai poya galamu

Imtata diredi duhkamamtata diredinani

vimtavimta vagalache vegivegi

chintayu vedanala jikkuvaduchu nagni

pontanunna vennayai poya galamu

Yikkada sukhamu naakakkada sukhambani

yekkadikaina nuri kegiyegi

gakkana SriThiruVenkatapathi ganaka

pukkitipuranamayi poya galamu

ఏడ సుజ్ఞానమేడ తెలివి నాకు

బూడిదలో హోమమై పోయ గాలము

ఇదె మేలయ్యెడి నాకదె మేలయ్యెడి నని

కదిసియాసచే గడవలేక

యెదురు చూచిచూచి యెలయించి యెలయించి

పొదచాటు మృగమై పోయ గాలము

ఇంతట దీరెడి దుఃఖమంతట దీరెడినని

వింతవింత వగలచే వేగివేగి

చింతయు వేదనల జిక్కువడుచు నగ్ని

పొంతనున్న వెన్నయై పోయ గాలము

యిక్కడ సుఖము నాకక్కడ సుఖంబని

యెక్కడికైనా నూరి కేగియేగి

గక్కన శ్రీతిరువేంకటపతి గానక

పుక్కిటిపురాణమయి పోయ గాలము